Azərbaycan Bank Tədris Mərkəzinin təşkilatçılığı, Azərbaycan Banklar Assosiasiyasının dəstəyi ilə 22-24 noyabr 2023-cü il ABA-nın “Hüquq məsələləri üzrə Ekspert Qrupu”nun üzvlərinin, o cümlədən bankların bu istiqamətdəki digər rəhbər şəxslərinin Macarıstan səfəri baş tutmuşdur.
Səfər çərçivəsində iştirakçılar aşağıdakı mövzularla tanış olmuşlardır.
- Problemli kreditlərlə bağlı məhkəməyədək və məhkəmə icraatı (iddia müddətləri daxil olmaqla), habelə icra təcrübəsi (bir kredit üzrə müxtəlif ölkələrdə yerləşən borclularla bağlı məhkəmə çəkişmələri və icra işləri də daxil olmaqla).
- Banklar daxilində hüquqi və uyğunluq riskləri, yerli bankların vəzifə bölgüsünə necə nail olması, Problemli kreditlərin məhkəmədənkənar həlli üsulları (arbitraj, vasitəçilik, ombudsman xidmətləri kimi).
- Elektron məhkəmə sistemi və onun məlumat inteqrasiyası.
- Bank fəaliyyətində korporativ idarəetmə standartlarının tətbiqi üzrə hüquqi baza və praktiki təcrübə.
- Banklarda hüquqi risklərin idarə edilməsi.
- Banklar daxilində hesabatlılığın yaradılmasında nəzərə alınan amillər.
- Mülki qanunvericilikdə bank fəaliyyətini tənzimləyən qaydalar.
- Müqavilə və biznes hüququ.
- Yerli banklar məhkəmə çəkişmələri və müqavilələrin idarə edilməsi üzrə iş axınını necə rəqəmsallaşdırırlar.
- Mərkəzi Bankın nəzarət funksiyası və Macarıstan Mərkəzi Bankı ilə özəl banklar arasında hüquqi qarşılıqlı əlaqə.
- Elektron bankçılıq, distant bank xidmətlərinin göstərilməsi və rəqəmsallaşdırmanın hüquqi tənzimlənməsi və əsasları.
- Qeyri-qanuni əməliyyatların hüquqi tənzimlənməsi (çirkli pulların yuyulmasına qarşı mübarizə – AML).
- Bankda hüquqi və problemli kreditlər departamentləri daxilində struktur və vəzifə bölgüsündə nəzərə alınan amillər.
- Məhkəmə perspektivinin öyrənilməsində süni intellektin tətbiqi.
- Kreditin, o cümlədən sindikatlaşdırılmış kreditlərin hüquqi aspektləri,
- Etibarnamə ilə bank əməliyyatlarının aparılması (məhdudiyyətlər və mövcud təcrübələr də daxil olmaqla).
24 nəfərlik geniş iştirakçı qrupu ilə təşkil edilmiş səfər çərçivəsində aşağıdakı qurumların nümayəndələri ilə görüşlər təşkil edilmişdir:
- Gránit Bank Plc;
- OTP Bank Plc;
- MBH Bank Plc;
- UniCredit Bank Hungary Plc;
- Raiffeisen Bank Plc;
- Erste Bank Hungary Plc
Qeyd edək ki, Azərbaycan Bank Tədris Mərkəzi (ABTC) 2000-ci ildə Avropa Birliyi tərəfindən yaradılıb, Azərbaycan Banklar Assosiasiyasının törəmə müəssisəsidir. İndiyə qədər ABTC tərəfindən 250-a yaxın təlim mövzusu üzrə, 36 mindən çox dinləyiciyə 2500-ə yaxın təlim kursu təşkil edilmişdir.